Sábado, 05 Marzo 2016 22:53

Nayan wila masijas markajas jan jisk’achatañapatakiw yatxatatäñ munta

Escrito por

Jichhax tataj mamajax yuriw markajanw uywanak uywas jakasisipki, ukhamat nayaru, sullkanakajar yanapt’asa. Jupanakar ukham uñjasax wal llakisiyitu ukatw nayax yatiqäwinak tukuyañ chuymamp yatiqt’askta. Nayax agronomía uksan yatiqaskta, markajan chapuchäwix nayraqatar sartañapatakiw yanapt’araki; sullkanakajarus uka jisk’achasir jaqinakatx arxatarakiwa.

Aymara

Nayan wila masijas markajas jan jisk’achatañapatakiw yatxatatäñ munta

Jichhax tataj mamajax yuriw markajanw uywanak uywas jakasisipki, ukhamat nayaru, sullkanakajar yanapt’asa. Jupanakar ukham uñjasax wal llakisiyitu ukatw nayax yatiqäwinak tukuyañ chuymamp yatiqt’askta. Nayax agronomía uksan yatiqaskta, markajan chapuchäwix nayraqatar sartañapatakiw yanapt’araki; sullkanakajarus uka jisk’achasir jaqinakatx arxatarakiwa.

Juan Carlos Ticona Cuty, Agronomía, UNIBOL “ATK” jach’a yatiqañ utan yatiqiriwa

Kunapachatï nayax 10 maranikayät ukhax tatajax La Paz jach’a markanw irnaqirïna, mamajamp jilanakajampix provincia Ingavi, municipio de Guaqui, Pataroni ayllun jakasipxayäta. Mamajax waka uywasinx lichi ch’awiri ukat simananx phisqha, paqallqu kisuk atirakirïna.

Tatajax sapa siman tukusiw markar puriniri ukatx siman mistkiritakix t’ant’a, muxsa achunak alaniwayiri; nänakax kimsa yuqalla kimsa imillapxiritwa, uka alatanakx laqakiw tukuntxapxirïta. Uka maranakax ch’uqi, jawasa, apilla ukat juk’ampinakax juk’akirakiw achurïna.

Uka maras jichha maranakas waka uywanakatakix siwaranak jach’anakaruw yapuchapxirïna. Ukatx nänakakiw 5:00 jan ukax 5:30 alwat 10:00 jan ukax 10:30 alwakam siwar yawipxirïta, ukatsti uywanakarak uñjapxirïtxa.

Kunapachatïx markan kuna irnaqäwis utjirik ukanx janiw mayni sullkawirin irnaqañap munapxirikiti, maykutix mamajaw usut jikxatasïna, ukhamipanx nayaw uka irnaqaw utjkis ukar sarirïta ukatx markachirinakax janiw katuqañ munapxirikituti kutinukuyanipxirituwa; nayax jisk’achataw amuyasirita ukat utajaruw niyas jachirpachaw llakt’at kut’awayxirïta. Mamajax wali usuta ukhamaw sullkanakajamp jikxatasiri, ukatw nayax mä qhipurux yatxatatañaxaw janiw aliq ukhamakiñaxakit janirakiw wila masijas jisk’achatakaspat sasin amtamp jilawayta.

Maranak mäkiptatx tatajarux irnaqäwipat sarjam sasinw sapxatayna. Jichhax tataj mamajax yuriw markajanw uywanak uywas jakasisipki, ukhamat nayaru, sullkanakajar yanapt’asa. Jupanakar ukham uñjasax wal llakisiyitu ukatw nayax yatiqäwinak tukuyañ chuymamp yatiqt’askta. Nayax agronomía uksan yatiqaskta, markajan chapuchäwix nayraqatar sartañapatakiw yanapt’araki; sullkanakajarus uka jisk’achasir jaqinakatx arxatarakiwa.

Visto 2350 veces Modificado por última vez en Sábado, 05 Marzo 2016 23:03
La Pública

La Pública es un proyecto que busca crear y gestionar espacios para el ejercicio ciudadano a través de redes sociales y fuera de ellas, articulando para ello el periodismo digital y el activismo.

fb htw hyt h

lp15

 

La Paz - 71597592
Cochabamba - 71786333
Santa Cruz - 71528022

 

cc