Boliviampir ayllujampir yanapt'añ amtan qalltäwipa

Aymara

Boliviampir ayllujampir yanapt'añ amtan qalltäwipa

Aka Jach’a yatiqañ utax lup’iwijs turkakiptayituwa… Ukat jichhax tesinajax “Extracción de la bromelina” (encima enzima de la piña) ukhamarak “Producción de charque de llama” ukatuqit lurtxa.

Abidan Triguero Calle, ingeniería de alimentos, Unibol, Jach’a yatiqañ utan yatiqiriwa

Sutijax Abidan Triguero Calle satawa, 2010 maranx Mayor de San Andrés (UMSA) jach’a yatiqañ utan Aeronáutica thakhin phisqhïr tirsunkayätwa. Yaqhip materias ukanakanx jan walt’äwiw utjitäna. Uka pachax mayni yatichiriw tata irpirit mantäna, jupax yatxatäwinakx janiw munirikanti, ukhamipanx nayax jupampix janiw sum apaskayäti. Yaqhachiqan uka aeronáutica thakhi yatxatañ thaqañ amtayäta.

Univalle (Universidad del Valle) Cochabamba markan utjatap yatiyäta. Mayni Nelson Huanca masimpiw aruskipt’apta, ukatx panpachaniw nayrïr kutipun La Paz markat sarañatak amtapxirïta. Terminal uksarux willjta qhantatiw puripxirïta, ukat mä qurpachayasiñ utan samarapxirïta. 6:00 alwa pachax niyaw kallin Univalle ukax kawkhans jikxataspach uka yatiñatak jiskhinaqapxirïta; ukatx Ayakuchu kallir sarapxam sapxirituwa. Jasak katuñatakix mä plano alasipxirïta, ukampix kawkhanti jikxatski ukarux mäkiw puripxirïta.

Jach’a yatiqañ utanx wali qurichuyman yanapir kullakaw yat’ayapxiritu. Akax sucursal ukhamakiw sasin qhanancht’apxirïtu, Jach’a yatiqañ utax Tiquipaya (link) uksanw jikxatasi sasina. Open House ukax Univalle ukan qawqha thakhitï utjk taqi ukanakat qhanancht’añatakiw jist’arasini, ukax akat qhiparuw apasini, sasina.

Open House ukax kunawsas apasiñapäk ukurutakix wasitampiw Cochabamba markar kutt’awayapxirïta, ukanx nänakjam yatiñ munir wayn tawaqunakampiw jikisipta. Nelson ukat nayampix jupanakarux alkatapta, jan kuna jan uñt’atanakjam sarnaqaskañataki. K’añaskutx 45 k’ata ukhwa sarapxirïta. Jach’a yatiqañ utax wali jach’änwa, ukat nayax chuymaj manqhanx “Akanwa yatiqañ munta” sirïtwa.

Kimsa tamaruw jaljtayapxiritu, nayarux cinematográfica ukat ingeniería de alimentos uka thakhir sarañaw wakt’irïtu. Mä deshidratador uñjirïta ukampins janiw uka pachax ukax kunataps yatirïkti. Uka thakhin yatintxañ wal munirïta ukatx empresario ukhamäxañajatakiw amuyt’asirïta.

Utajar purisax mamaj tatajaruw kuntï jiskhikipt’aniwayirïkt ukatuqit yatiyirïta. Tatajax chanipax qawqhas sasin jiskt’irïtu, mä tirsu ukax waranqa ch’uxña qullqiw sasin sirïta. “Ukha qullqinirist ukapachax payllarapirismawa”, sasin jayst’irïtu. Nayax amuyirïtwa kunalaykutï ukapachax qullqituqitx pisinkapxiritwa.

Mamajax mä jach’a yatiqañ utaw UNIBOL sutin pachpan qhiparañatak katuqaskän sasin yatiyitu: inakiwa ukax Cuyahuani markan jikxatasi, sasina. Jank’akiw jiskxatir sarirïta. Aksaruw jutxta ukat nayrïr tirsux makiptxanwa. Ukanx cosmovisión aymara ukat yaqha materias ukanak apayatxa. Jichhürunx kawkhatäktï ukarux yäqtwa. Nayax provincia Ingavi, municipio Jesús de Machaca, Lahuacollo markankirïtwa.

Aka Jach’a yatiqañ utax lup’iwijs turkakiptayituwa… Ukat jichhax tesinajax “Extracción de la bromelina” (encima enzima de la piña) ukhamarak “Producción de charque de llama” ukatuqit lurtxa.

Modificado por última vez en 09/03/2015

Comparte

El autor

La Pública

La Pública es un proyecto que busca crear y gestionar espacios para el ejercicio ciudadano a través de redes sociales y fuera de ellas, articulando para ello el periodismo digital y el activismo.

fb htw hyt h

lp15

 

Proyecto La Pública © 2015 info@lapublica.org.bo La Paz - 71597592 Cochabamba - 71786333 En Santa Cruz - 71528022

 

 

 

cc

Ultimos Tweets