Sábado, 21 Marzo 2015 20:48

Jach’a amtajax phuqhasiwa

Escrito por

Aymara

Jach’a amtajax phuqhasiwa

Walja yatiqir masinakatakix ukhaman yatiqañax jasakipachanwa, ukampirus nayatakix janiw jasakanti jan ukasti urut urur marat mararuw walja jan walt’äwinakax utjawayarapitu. Ukampirus akankayätwa. Askinakwa jikxat’asiyäta.

Delia Mamani Callisaya, agronomía, “Tupak Katari” Jach’a yatiqañ utan yatiqiriwa

Kunapachati, khä 2010 maran Aymara “Tupak Katari” Jach’a yatiqañ utaru purinkayat ukhax jichhjam aka yatintañ utanakas manq’añ utas ikiña utas janiw utjkanti. Ukhat jichhakamax jach’aptaskiwa.

Admisión yant’aw katuyxasinx nayrïr urunaka achuqa phaxsit makiptataruw Cuyahuani markar jutapxat sapxituwa. Nayax Departamento de La Paz, provincia Ingavi Guaqui markat jutta, kunapachati nayrïr urux akar jutkta ukhax tata q’iwiriruw jiskt’asta, jupaw akhaw Cuyahuanix sasin sirïtu, ukat thakhir qhiparxasinx quqanaka, Titicaca quta uñtirita.

Aksar purinisax Cuyahuani jisk’a yatiqañ utan tanthaptapxirïtxa. Wali jiwa markakiriwa, ina ch’uxñaki ukhamanwa, askin jutaptax sasins katuqapkitaspa ukhamiriwa. Jilïr irpirinakax manq’asiñatakiw jawillt’apxiritu, ukatx mä simanaw aksan qhiparapxat sasin sapxiritu.

Ukapachax nayax kunti amtkayat ukar phuqhaskayatwa. Walja yatiqir masinakatakix ukhaman yatiqañax jasakipachanwa, ukampirus nayatakix janiw jasakanti jan ukasti urut urur marat mararuw walja jan walt’äwinakax utjawayarapitu. Ukampirus akankayätwa. Askinakwa jikxat’asiyäta.

63 yatiqiriw utjapxayäta, Tupak Katari Jach’a yatiqañ utan “proyecto” ukax sarantaskiwa sasin arsur ist’apxirïta, waynanakan ikiñ utapax khayjankaniwa sasa, ukhax ina pampakw wintanat uñtasipkirïtxa, nayrïrkut purinitajat jichhakamax phisqha maraxiwa, kunti arsur ist’apxirikayät ukax phuqhasiwa, ikiñ utanakax utxiwa.

Aksan yatiqatajatx wali kusisitatwa, maratjam maratjamaw jach’aptxi. Jach’a yatiqañ utajax qullasuy markan utjir jach’a yatiqañ utakankamipix janiw kipkakiti, aksanx yatiqiri masinakampix masinakat sipans mä jila kullakapkirist ukhamaw jikxatsipta. Sapüruw jupanakamp chikt’at jikxatsipta, mä wila masipkiristsa ukhamaw yanapt’asipxta. Kunapachati mayni yatiqir masix usuntki jan ukax mä materia ukats jan walt’añank ukhax yanapt’aptwa, jani jupan pächasiñapataki, ukjamat nayraqatar yatiqäwinakamp sarantaskañapataki.

Aka Jach’a yatiqañ uta pachpan qhipartas yatiqañax wayn tawaqunakam yäqasis jach’anchayañawa.

Jichhax tunkïr tirsunktwa, aka agronomía yatintañ thakhina, niyaw tukt’ayjaxa ukatw wali kusisitata.

Visto 1445 veces Modificado por última vez en Lunes, 23 Marzo 2015 17:30
La Pública

La Pública es un proyecto que busca crear y gestionar espacios para el ejercicio ciudadano a través de redes sociales y fuera de ellas, articulando para ello el periodismo digital y el activismo.

fb htw hyt h

lp15

 

La Paz - 71597592
Cochabamba - 71786333
Santa Cruz - 71528022

 

cc